Ուկրաինան տարածք է փնտրում թուրքական Bayraktar ԱԹՍ-ներ արտադրելու համար
ՄԻՋԱԶԳԱՅԻՆ
News.ru-ն գրում է, որ Ուկրաինայի ռազմական արդյունաբերության գծով փոխվարչապետ Օլեգ Ուրուսկին ասել է, որ իրենք սկսել են անօդաչու սարքերի գործարան կառուցելու վայրի որոնումներ: Ըստ նրա, արտադրությունը կբացվի թուրքական Bayraktar ընկերության հետ կնքված պայմանավորվածութան համաձայն: Թուրքական կողմը պատրաստ է ներդրումներ կատարել:
«Նրանց պետք է համապատասխան պահանջներին համապատասխան տեղ, որտեղ կկառուցվի ձեռնարկություն, որտեղ էլ ի վերջո կարտադրվեն այդ սարքերը»,- Ուրուսկիի խոսքերն է մեջբերել «Ինտերֆաքս»-ը: Փոխվարչապետը նաև հավելել է, որ ուկրաինացի ինժեներներն ու կոնստրուկտորները կաշխատեն նոր ձեռնարկությունում, և նրանք իրավունք կստանան վաճառել անօդաչու թռչող սարքեր ինչպես Ուկրաինայում, այնպես էլ արտաքին շուկաներում: Ավելի վաղ News.ru-ն հայտնել էր, որ Սիրիայում և Լիբիայում ռազմական բախումների ընթացքում թուրքական անօդաչու սարքերը ոչնչացրել են առնվազը 23 «Pantsir-S1» զենիթահրթիռային համակարգեր (Մերձավոր Արևելքի հակամարտությունում խոցվել է 8 ռուսական ՀՕՊ հրթիռային համակարգ, իսկ Աֆրիկայում 15): Ըստ էության, «Pantsir-S1» -ը չի կարողանում գլուխ հանել թուրքական Bayraktar TB2 անօդաչու սարքերից արձակված Anka-S դրոններից և MAM-L կառավարվող թեթև հրթիռներից:
Նյութը հրապարակման պատրաստեց Կամո Խաչիկյանը
