Կրեմլը փոխել է Ադրբեջանի, Հայաստանի և Ռուսաստանի առաջնորդների համատեղ հայտարարության տեքստը
ՔԱՂԱՔԱԿԱՆՈՒԹՅՈՒՆglavcom.ua-ն գրում է, որ նոյեմբերի 10-ի գիշերը Ադրբեջանի, Ռուսաստանի նախագահները և Հայաստանի վարչապետը ստորագրել են համատեղ հայտարարություն: Նրանք պայմանավորվել են դադարեցնել ռազմական գործողությունները Լեռնային Ղարաբաղում և տարածաշրջան մտցնել ռուսական խաղաղապահ զորախումբ: Հայտարարության տեքստը «առանց փոփոխությունների կամ հապավումների» առաջինը հրապարակել է «Սպուտնիկ Արմենիա» լրատվական գործակալության կայքը: Հետո այն վերատպել են բազմաթիվ այլ լրատվամիջոցներ: Կրեմլը համատեղ հայտարարության տեքստը պաշտոնապես հրապարակել է միայն կեսօրին, և այն տարբերվել է նախնականից: Կարելի է համեմատել համատեղ հայտարարության երկու տեքստերը և տեսնել դրանց տարբերությունները:
Այն մասը, որը ի սկզբանե եղել է հրապարակված համաձայնագրում, բայց անհետացել է Կրեմլի կայքում գիծ քաշված է, իսկ Կրեմլի կայքում հայտնվածը գույնով նշվածն է: ՌԴ ԱԳՆ մամուլի քարտուղար Մարիա Զախարովան արդեն իսկ հայտարարել է, որ Կրեմլի կայքում հրապարակվել է Ռուսաստանի, Ադրբեջանի և Հայաստանի ղեկավարների Լեռնային Ղարաբաղի վերաբերյալ համաձայնագրի միակ ճիշտ տեքստը: «Հայտարարության միայն մեկ տարբերակ գոյություն ունի: Այն հրապարակվել է ինչպես ռուսական կողմի, այնպես էլ ստորագրող մյուս երկրների պաշտոնական կայքերում, ընդգծում եմ, պետական մարմինների կայքերում՝ Կրեմլի կայքում, Ռուսաստանի արտգործնախարարության կայքում», - ասել է նա RTVI- ի եթերում:
Նյութը հրապարակման պատրաստեց Կամո Խաչիկյանը