Իշչենկոն նկարագրել է, թե ինչ կստանա Ռուսաստանը, եթե Հայաստանում տապալեն Փաշինյանին
ՔԱՂԱՔԱԿԱՆՈՒԹՅՈՒՆՂարաբաղում հրադադարի ռեժիմից հետո ՀՀ վարչապետ Նիկոլ Փաշինյանի դիրքերը թուլացել են: Եթե նրան տապալեն ռազմական պարտությունից վիրավորված մարդիկ, ապա իշխանության կգան գուցե և ոչ ամբողջությամբ ռուսամետ, բայց հաստատապես ոչ Սորոսական ուժերը: Նման կարծիք է հայտնել «Россия сегодня» լրատվական գործակալության սյունակագիր Ռոստիսլավ Իշչենկոն «Ukraina.ru» հրատարակության իր սյունակում:
Լեռնային Ղարաբաղում մեկուկես ամիս կատաղի մարտերից հետո Բաքուն և Երևանը, Ռուսաստանի միջնորդությամբ, պայմանավորվել են ռազմական գործողությունների ամբողջական դադարեցման մասին: Հայկական կողմը համաձայնվել է մի քանի շրջաններ, ինչպես նաև չճանաչված Լեռնային Ղարաբաղի Հանրապետության տարածքի մի մասը տալ Ադրբեջանին: Լեռնային Ղարաբաղի շփման գծի և Լաչինի միջանցքով երկայնքով տեղակայվում է ռուսական խաղաղապահ զորախումբ՝ 1 960 զինծառայողով: Այդ ընթացքում Երևանում տեղի են ունենում զանգվածային բողոքի ցույցեր ընդդեմ Փաշինյանի: Ըստ փորձագետի, այնուամենայնիվ, անգամ եթե Փաշինյանը մնա՝ նա ոչ մի դեպքում չի խանգարի Մոսկվային:
«Կրեմլի որոշումներից կախված, բայց միևնույն ժամանակ արմատապես արևմտամետ լինելու համբավ ունեցող թույլ վարչապետը այն է, ինչի մասին կարելի է միայն երազել: Փաշինյանի վարչապետության դեպքում բոլոր հայկական խնդիրները կգցվեն Միացյալ Նահանգների և Սորոսի վրա, մինչդեռ Ռուսաստանը կշարունակի վճռական ազդեցություն ունենալ Անդրկովկասի իրավիճակի վրա, - գրել է Իշչենկոն իր «Ղարաբաղի դասը Լուկաշենկայի համար» սյունակում: Որքան էլ տարածաշրջանում իրավիճակը Ռուսաստանի համար տհաճ է թվում, բայց Ռուսաստանն ի վերջո միայն կամրապնդի իր դիրքերը, և նույնիսկ իր թշնամիներն ու անհավատարիմ դաշնակիցները կնպաստեն այդ ամրապնդմանը, հավելել է քաղաքագետը:
Նյութը հրապարակման պատրաստեց Կամո Խաչիկյանը