Ադրբեջանը կկապվի Թուրքիայի հետ երկաթուղով
ՔԱՂԱՔԱԿԱՆՈՒԹՅՈՒՆ
rosbalt.ru-ն գրում է, որ Թուրքիայի տրանսպորտի եւ ենթակառուցվածքների նախարարության ղեկավար Ադիլ Կարաիսմայիլօղլուն հայտարարել է դեպի Ադրբեջան երկաթգիծ կառուցելու ծրագրի մասին:
Ըստ Anadolu գործակալության ենթադրվում է, որ գնացքները երթուղի կմտնեն Ադրբեջանի Նախիջևան քաղաքից, շուտով կավարտվեն նախնական ուսումնասիրությունները:
Նախարարի խոսքով, որոշումը կայացվել է «Կովկասում վերջին իրադարձությունների ֆոնին», այսինքն ՝ Լեռնային Ղարաբաղում հակամարտության սրմանն ու զինադադարի պայմանագրի ստորագրման արդյունքում:
Միևնույն ժամանակ Հայաստանի վարչապետ Նիկոլ Փաշինյանը հայտարարել է, որ Ղարաբաղի վերաբերյալ համաձայնագիրը նախատեսում է նաև վերականգնել երկաթուղային հաղորդակցությունը Հայաստանի ու Իրանի միջև, և այդ հարցը ևս կմշակվի առաջիկայում:
Նյութը հրապարակման պատրաստեց Կամո Խաչիկյանը
