Թուրքիան ԼՂ-ից հետո ակտիվացրել է Եփրատից դեպի արևելք քրդական կազմավորումների դեմ գործողությունները․ լրատվամիջոցներ

Թուրքիայի զինված ուժերը դաշնակից գրոհայինների հետ Սիրիայի Հասաքեի նահանգի Աբու Ռասինի շրջանում հուժկու հարձակում են իրականացրել «Սիրիական ժողովրդավարական ուժերի» դիրքերի ուղղությամբ, փոխանցում է EADaily-ն։

Al-Masdar News գործակալության աղբյուրների տվյալներով` թուրքական բանակը և նրա կողմից աջակցվող Սիրիայի ազգային բանակը, որը բաղկացած է իսլամիստ գրոհայինների տարբեր խմբավորումնրից, դեկտեմբերի 6-ի երեկոյան «Սիրիական ժողովրդավարական ուժերի» դիրքերին  զանգվածային հրթիռահրետանային հարված են հասցրել:

Նշվում է, որ հարձակումն ուղղված է եղել ոչ միայն քուրդ զինյալների, այլև Աբու Ռասինի շրջանի խաղաղ բնակիչների դեմ: Թուրքական բանակն ու նրա դաշնակից գրոհայինները շարունակում են Եփրատից արևելք քաոս ստեղծել, արձանագրել են Al-Masdar News-ի զրուցակիցները:

Զուգահեռաբար թուրքական ուժերը Ռաքքա և Հալեպ նահանգներում գրոհել է քուրդ աշխարհազորի դիրքերը։

Լեռնային Ղարաբաղում պատերազմի ավարտից և սիրիացի վարձկանների վերադարձից հետո թուրքական բանակը ակտիվացրել է Եփրատից դեպի արևելք քրդական կազմավորումների դեմ գործողությունները, նշում է պարբերականը: