Ռուբլին հայտնվել է ամենահեռանկարային արժույթների եռյակում

Ներդրողների համաձայն՝ ռուբլին հայտնվել է հաջորդ տարվա ամենահեռանկարային արժույթների եռյակում: Առաջին տեղը զբաղեցրել է չինական յուանը: Եռյակում է հայտնվել նաև մեքսիկական պեսոն: Այս մասին հաղորդել է «Bloomberg»-ը:

Փորձագետները կորոնավիրուսի դեմ զանգվածային պատվաստումը համարում են զարգացող շուկաների գլխավոր շարժիչ ուժը: Ներդրողների համաձայն՝ պարտատոմսերի աճի առաջատարը կլինի Չինաստանը, նրան կհաջորդեն Ինդոնեզիան և Մեքսիկան: Ռուսաստանը զբաղեցնում է հինգերորդ տեղը:

Բաժնետոմսերի աճով առաջին տեղը կզբաղեցնի Չինաստանը, նրան կհաջորդեն Հարավային Կորեան և Ինդոնեզիան: Ռուսաստանը կգրավի ութերորդ տեղը: Առևտրականներն ակնկալում են, որ հաջորդ տարի աշխարհի բոլոր տնտեսություններում գնաճը կբարձրանա՝ բացառությամբ Ռուսաստանի, Լեհաստանի և Մեքսիկայի:

Ավելին այստեղ