Պուտինն անվանեց Լեռնային Ղարաբաղի վերաբերյալ եռակողմ հայտարարության հիմնական արդյունքը

Ռուսաստանի, Հայաստանի և Ադրբեջանի 2020 թվականի նոյեմբերի 9-ի եռակողմ հայտարարության հիմնական արդյունքը Լեռնային Ղարաբաղում արյունահեղության ավարտն էր, մնացած հարցերը երկրորդական են, հինգշաբթի ասաց ամենամյա մամուլի ասուլիսում ՌԴ նախագահ Վլադիմիր Պուտինը: «Ռազմական գործողությունների դադարեցման մասին համաձայնագիրը շատ կարևոր է, քանի որ այն դադարեցնում է արյունահեղությունը։ Մահեր չկան, սա չափազանց կարևոր է, սա ամենակարևորն է, մնացած ամեն ինչ երկրորդական է: Մարդկանց կյանքի և առողջության պահպանումը մեր լուծած ամենակարևոր խնդիրն է», - ասաց Պուտինը: Նա նաև հույս հայտնեց, որ Հադրութի շրջանում հայ և ադրբեջանցի զինծառայողների բախումը կլինի իրավիճակի սրման միակ դեպքը պատերազմի ավարտից հետո: