«Գազպրոմը» քննարկել է Հայաստանի հետ 2021–ին գազի մատակարարման պայմանները

Գազպրոմի գործադիր տնօրեն Ալեքսեյ Միլլերը և ՀՀ փոխվարչապետ Մհեր Գրիգորյանը քննարկել են 2021 թվականին գազի մատակարարման պայմանները, ասվում է ընկերության հայտարարության մեջ:

«Կողմերը քննարկել են 2020 թվականին Հայաստան գազի մատակարարման աշխատանքների արդյունքները և 2021 թվականին մատակարարումների պայմանները», - ասվում է հաղորդագրության մեջ:

Հայաստանի փոխվարչապետ Մհեր Գրիգորյանը 2020-ի մարտի վերջին նամակ էր ուղարկել «Գազպրոմի» ղեկավարին՝ առաջարկելով սկսել նոր բանակցություններ գազի գնի իջեցման վերաբերյալ՝ նոր կորոնավիրուսի տարածման հետ կապված տնտեսական իրավիճակի վատթարացման պատճառով:

«Գազպրոմը» Հայաստանում սպառողներին միակ գազ մատակարարողն է` «Գազպրոմ Արմենիա» դուստր ընկերությամբ։ 2019-ին Հայաստանի համար գազի գինը հազար խորանարդ մետրի համար 150 դոլարից հասավ 165 դոլարի, նույն սակագինը մնաց նաև 2020-ին։