Ավտովթար Կիեւյան կամրջի մոտ. վիրավոր ուղեւորին տեղափոխել են «Արմենիա» ԲԿ

Հայաստանի ԱԻՆ-ում, նոյեմբերի 6-ին, ժամը 14.04-ին ահազանգ է ստացվել, որ Երեւանի Կիեւյան կամրջի մոտակայքում տեղի է ունեցել ավտովթար՝ բախվել են «ՎԱԶ 2107» եւ «Մերսեդես» մակնիշի ավտոմեքենաները, կա տուժած. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ բախվել են «ՎԱԶ-2107» մակնիշի 35 DG 204 (վարորդ՝ Կ. Մ.) եւ «Mercedes E» մակնիշի 72 NN 700 համարանիշների (վարորդ՝ Ա. Հո.) ավտոմեքենաները:

Փրկարարները «ՎԱԶ-2107» մակնիշի ավտոմեքենայի ուղեւոր՝ 32-ամյա Լ. Կ.-ին տեղափոխել են շտապօգնության ավտոմեքենա: Տուժածը տեղափոխվել է «Արմենիա» ՀԲԿ, որտեղ բժիշկները նրա առողջական վիճակը գնահատել են բավարար: