Մասնագետները խոսել են օգտագործված դիմակ կրելու վտանգների մասին
ՖՈՏՈՄասսաչուսեթսի համալսարանի և Կալիֆոռնիայի բապտիստական համալսարանի նոր ուսումնասիրությունը ցույց է տվել, որ օգտագործված դիմակ կրելը կարող է ավելի քիչ արդյունավետ լինել կորոնավիրուսից պաշտպանվելու համար, քան ընդհանրապես չկրելը, գրում է The Daily Mail-ը:
Փորձարկվել են եռաշերտ վիրաբուժական դիմակները: Պարզվել է, որ նոր դիմակները կարող են զտել կորոնավիրուս պարունակող հեղուկի ամենափոքր կաթիլների գրեթե երեք քառորդը: Բայց մեկից ավելի անգամ օգտագործելիս դրանք զտում են ամենափոքր կաթիլների միայն քառորդ մասը, քանի որ դիմակները դեֆորմացվում են յուրաքանչյուր կրման հետ (65% 25% -ի դիմաց): Հին դիմակն իրականում կաշխատի միայն 5 միկրոմետրից ավելի մեծ մասնիկների համար, բայց ոչ 2,5 միկրոմետրից փոքր մասնիկների համար:
