Գորիսի քաղաքապետ Առուշ Առուշանյանին մեղադրանք է առաջադրվել

Գորիսի քաղաքապետ Առուշ Առուշանյանին մեղադրանք է առաջադրվել: Այս մասին Tert.am-ը տեղեկացավ ՀՀ Քննչական կոմիտեից:

ՔԿ-ից հայտնեցին, որ Գորիսի քաղաքապետ Առուշ Առուշանյանը արգելանքի տակ է: 

Հիշեցնենք, որ Գորիսի քաղաքապետ Առուշ Առուշանյանը առավոտյան բերման էր ենթարկվել ոստիկանություն։ Այս մասին լուրը Tert.am-ի հետ զրույցում ասաց Գորիսի փոխքաղաքապետ Մենուա Հովսեփյանը։

Թե ինչն է պատճառը, փոխքաղաքապետն ասաց. «Իշխանության վախկոտ ձեռագիրն է, տնից քաղաքապետին բերման են ենթարկել ոստիկանություն»։

Ինչ վերաբերում է այսօրվա ակցիայի` Նիկոլ Փաշինյանի դեպ Սյունիքի դարպասները փակելուն, փոխքաղաքապետն ասաց, որ ամեն ինչ ըստ պլանավորածի իրականացնելու են։