«Շիշ բռնո՛ղ, մի քանի հարկանի էս տունը կառուցելիս չէի՞ր մտածում բանակի մասին»․ ցուցարարները Հայկ Սարգսյանի տան մոտ են (տեսանյութ)

«Շիշ բռնո՛ղ, մի քանի հարկանի էս տունը կառուցելիս չէի՞ր մտածում բանակի մասին»․ ցուցարարները Հայկ Սարգսյանի տան մոտ են Ինչպես արդեն հայտնել էինք՝ «Հայրենիքի փրկության շարժման» մասնակիցներն այժմ երթով շարժվում են ՀՔԾ շենք։ Ճանապարհին նրանք անցան «Իմ քայլը» խմբակցության պատգամավոր Հայկ Սարգսյանի եռահարկ առանձնատան մոտով։ «Այս պահին մեր երթը գտնվում է հայտնի Շիշ բռնողի առանձնատան մոտ։ Մի քանի հարկանի այս առաձնատունը կառուցելու ժամանակ, Հա՛յկ, այդ փողերով, երբ հայրիկդ պետական պաշտոնյա էր, չէի՞ր ասում, որ բանակի դիրքերը պետք ա փայտից չլինեն, պետք ա հողից չլինեն։ Էդ ժամանակ չէի՞ր մտածում այդ մասին, երբ այս բետոնապատ մի քանի հարկանի առանձնատունն էիք կառուցում»,- երթի ընթացքում ասացին ցուցարարները։