Վալերի Հովհաննիսյանը կզբաղեցնի «Տամբով» ֆուտբոլային ակումբի նախագահի պաշտոնը
ՍՊՈՐՏ
«Տամբովը» պայմանավորվածություն է ձեռք բերել ֆուտբոլային ակումբի նախագահի պաշտոնում Վալերի Հովհաննիսյանին նշանակելու մասին։ ՌԻԱ Նովոստիի հետ զրույցում տեղեկությունը հայտնել է «Տամբովի» գլխավոր տնօրեն Օլգա Կոնովալովան:
«Մենք պայմանավորվածություն ենք ձեռք բերել, որ Վալերի Հովհաննիսյանը դառնա ակումբի նախագահ»,- ասել է Կոնովալովան:
Նշենք, որ ակումբի նախկին նախագահը՝ Արսեն Գաբուևը, պաշտոնը լքել էր դեռ անցյալ տարվա հոկտեմբերին։
19-րդ տուրից հետո «Տամբովը» 13 միավորով վերջին տեղում է Ռուսաստանի առաջնության մրցաշարային աղյուսակում:
Նշենք, որ Վալերի Հովհաննիսյանը եղել է Արմավիրի «Տորպեդո»-ի և Մոսկվայի «Արարատի» նախագահը, Երեւանի «Արարատի» գլխավոր կառավարիչը:
