Սիրիայում քրդերն արդեն ինքնավարության ղեկավարների են ընտրում

Սիրիացի քրդերի ներկայացուցիչները սկսել են կյանքի կոչել երկրի հյուսիսում ինքնավարություն ստեղծելու գաղափարը:

Ինչպես հայտնում է Rosbalt-ը, ինքնահռչակ շրջանի հիմնադիր խորհուրդն արդեն ընտրել է Ջազիրա մարզի ղեկավարներին: Քրդերը խոստացել են, որ կես տարվա մեջ փաստաթուղթ կմշակեն դաշնային կառուցվածքի մասին:

Ավելի վաղ տեղեկացրել էինք, որ Քրդական գերագույն խորհուրդը որոշել էր Սիրիայի հյուսիսարեւելյան երեք նահանգներում, որոնք վերահսկվում են քրդական զինված խմբավորումների կողմից, հռչակել ինքնավարություն: Ինքնավարությունը ստացել է Հյուսիսային Սիրիայի Դաշնություն անվանումը: