Ռուսաստանի ԱԳՆ ղեկավարը եւ ԵԱՀԿ գործող նախագահը կքննարկեն Լեռնային Ղարաբաղը

Ռուսաստանի արտգործնախարար Սերգեյ Լավրովը փետրվարի 2-ին Մոսկվայում բանակցություններ կվարի Շվեդիայի արտաքին գործերի նախարար Ան Լինդեի հետ, ով աշխատանքային այցով Ռուսաստան կժամանի՝ որպես ԵԱՀԿ գործող նախագահ:

Ենթադրվում է, որ կքննարկվեն Ուկրաինայի արեւելքում, Լեռնային Ղարաբաղում եւ Մերձդնեստրում հակամարտությունների կարգավորման շուրջ ԵԱՀԿ օժանդակությանը վերաբերող հարցեր, ինչպես նաեւ Կազմակերպության միջնորդությունը Անդրկովկասի անվտանգության եւ կայունության հարցերով Ժնեւի քննարկումներում, նրա գործունեությունը Բալկաններում եւ Կենտրոնական Ասիայում: