Պատերազմի ընթացքում հաշմանդամություն ստացած քաղաքացիներն աշխատատեղերից կրճատվում են․ Ս․Հովսեփյան

ՀՀ ԱԺ յոթերորդ գումարման վեցերորդ նստաշրջանի արտահերթ նիստում  պատերազմի ընթացքում հաշմանդամություն ստացած զինծառայողների զբաղվածությանը վերաբերող հարց բարձրացրեց ԱԺ պատգամավոր Սոֆյա Հովսեփյանը։ Պատգամավորը մասնավորապես, դիմելով ՀՀ աշխատանքի և սոցիալական հարցերի նախարարին, ասաց․

«Այն զինծառայողները կամ ՄՈԲ-ով  գնացած մարդիկ, որոնք հաշմանդամություն ունեն այսօր , ունեն նաև աշխատելու  հետ կապված դժվարություններ և աշխատատեղերից կրճատվում են։  Այս մարդիկ զբաղվածության խնդիր ունեն։ Իրենք չեն կարող ուղղակիորեն  պարապուրդի մատնվել, չեն կարող պետության կողմից  տրվող  թոշակի հույսին ապրել։Պետք է մշակվի ինչ-որ քայել ՝ այս մարդկանց զբաղվածությունը ապահովելու  և ընտանիքի  խնդիրները լուծելու ուղղությամբ։ Շատերն արդեն մտածում են արտագաղթի մասին, ես խնդրում եմ օր առաջ մտածել այս խնդրի ուղղությամբ»։