Տպավորություն է, որ վարչապետի և լրագրողի աթոռներն զբաղեցնող զրուցակիցները չգիտեն՝ ինչի մասին են խոսում. Սենոր Հասրաթյան

Արցախի ՊԲ նախկին խոսնակ Սենոր Հասրաթյանն անդրադարձել է վարչապետ Նիկոլ Փաշինյանի երեկվա հարցազրույցում հնչեցրած մտքին, որ «Իսկանդեր»-ը չի պայթել կամ պայթել է, օրինակ՝ 10 տոկոսով»:

Հասրաթյանը Facebook-ի իր էջում, մասնավորապես, գրել է.

-«Իսկանդեր»-ը չի պայթել կամ պայթել է, օրինակ՝ 10 տոկոսով:

Լրագրողի աթոռն զբաղեցնողը հետաքրքրվում է՝

-Այդպե՞ս էլ է լինում...

Վարչապետի աթոռն զբաղեցնողը պատասխանում է.

-Չգիտեմ:

Լրագրողի աթոռն զբաղեցնողը եզրափակում է՝

-Հետաքրքիր նորություն էր:

Տպավորություն է, որ վարչապետի և լրագրողի աթոռներն զբաղեցնող զրուցակիցները՝ չիմանալով, թե ինչի մասին են խոսում, այդուհանդերձ, իրենց պատկերացմամբ, հանրագումարում ունենում են «հետաքրքիր նորությունով» հագեցված «երկխոսություն...» Իսկ լսարանն ունենում է այն, ինչ ունի այսօր»: