«Հայրենիքի փրկության շարժման» պատվիրակությունն այս պահին հանդիպում է ՀՀ նախագահ Արմեն Սարգսյանի հետ
ՔԱՂԱՔԱԿԱՆՈՒԹՅՈՒՆ
«Հայրենիքի փրկության շարժման» պատվիրակությունն այս պահին հանդիպում է ՀՀ նախագահ Արմեն Սարգսյանի հետ։
Հիշեցնենք, որ նախագահ Արմեն Սարգսյանը երեկ հայտարարարել էր, որ չի ընդունում Զինված ուժերի գլխավոր շտաբի պետ Օնիկ Գասպարյանին պաշտոնից ազատելու Նիկոլ Փաշինյանի առաջարկությունը և Սահմանադրական դատարան է դիմում «Զինվորական ծառայության և զինծառայողի կարգավիճակի մասին» օրենքի առնչությամբ։
«Հիմա գնում ենք նախագահի հետ հանդիպման, որից հետո պարզ կլինի նախագահի դիրքորոշումը, ինչու է այն փոփոխվել, կլսենք, որից հետո կպատասխանեմ ձեր հարցերին»,- մինչև հանդիպման մեկնարկը «Փաստինֆո»-ին հայտնել է Արթուր Վանեցյանը:
Հանդիպմանը մասնակցում են «Հայրենիք» կուսակցության նախագահ Արթուր Վանեցյանը, ՀՅԴ անդամ Արծվիկ Մինասյանը, ՀՀԿ-ական Վահրամ Բաղդասարյանը և «Հայրենիքի փրկության» շարժման վարչապետի միասնական թեկնածու Վազգեն Մանուկյանը:
