Մահացել է «Կռունկները թռչում են» ֆիլմի դերասան Նիկոլայ Սմորչկովը
ՄՇԱԿՈՒՅԹ
Այսօր 90 տարեկանում կյանքից հեռացել է հայտնի ռուս դերասան Նիկոլայ Սմորչկովը, գրում է Ռուսաստանի կինեմատոգրաֆիստների միության կայքը:
«Նիկոլայ Գավրիլովիչը տաղանդավոր արտիստ էր, շատ համեստ և պարկեշտ անձնավորություն, որին սիրում էին իր ընկերներն ու գործընկերները», - ասված է մահախոսականում:
Հիշեցնենք, որ նախքան մահանալը՝ դերասանի մոտ կորոնավիրուս էր ախտորոշվել:
Նշենք՝ Սմորչկովը նկարահանվել է այնպիսի ֆիլմերում, ինչպիսիք են «Կռունկները թռչում են», «Հինգ օր-հինգ գիշեր», «Պատերազմ և խաղաղություն», «Կրեմլի կուրսանտները» և այլն:
