«Հայաստանի Հանրապետություն». Մոսկվայի 100-ամյա պայմանագրի ծանր հետևանքները
ՄԱՄՈՒԼԻ ՏԵՍՈՒԹՅՈՒՆ
«100 տարի առաջ՝ 1921 թվականի մարտի 16-ին Մոսկվայում Բոլշևիկյան Ռուսաստանի և Քեմալական Թուրքիայի միջև կնքվեց հայ ժողովրդի համար պատմությունից երբևէ հայտնի անընդունելի պայմանագրերից մեկը: Այդ պահի դրությամբ միջազգայնորեն չճանաչված երկու պետություն, առանց Հայաստանի որևէ ներկայացուցչի մասնակցության, ի վնաս մեզ ձևավորեցին մեր պետության սահմանները, որի անարդար դրույթները մինչ օրս իրենց աղետալի հետևանքներն են տալիս:
Պայմանագիրը չի համապատասխանում միջազգային իրավունքի այդ ժամանակի և առավել ևս մեր օրերի որևէ նորմի։ ԽՍՀՄ փլուզման ընթացքում այն պատճառ դարձավ նոր հակամարտության բռնկման, որի հիմքում Արցախի բնակչության ինքնորոշման իրավունքի իրացումն ու պատմական արդարության վերականգնումն էր: Հիմնահարցը մինչ օրս դեռ չի լուծվել և այն կմնա այնքան, քանի դեռ տարածաշրջանը զավթած պետությունը կփորձի ուժով և հակաիրավական այլ ճանապարհներով ճնշել տեղի բնիկների՝ հայերի (և ոչ միայն նրանց) սեփական բնօրրանում հազարամյակներ ապրելու իրավունքը»,-գրում է թերթը:
Նյութն ամբողջությամբ կարդացեք թերթի այսօրվա համարում:
