Չինաստանը պատասխան պատժամիջոցներ է սահմանել Կանադայի և ԱՄՆ-ի դեմ
ՏՆՏԵՍՈՒԹՅՈՒՆ
Չինաստանը շաբաթ պատասխան պատժամիջոցներ է սահմանել կրոնական ազատությունների հարցով ամերիկյան պետական հանձնաժողովի նախագահի և փոխնախագահի, ինչպես նաև մեկ կանադացի փաստաբանի դեմ:
Ինչպես փոխանցում է Reuters գործակալությունը, Չինաստանի այս որոշումը պատասխանն է ԱՄՆ-ի և Կանադայի սահմանած պատժամիջոցներին՝ կապված Սինցզյանը ներկայացնող պաշտոնյաների հետ:
Պեկինը դեմ է հանդես գալիս ԱՄՆ-ի, ԵՄ-ի, Բրիտանիայի և Կանադայի սահմանած պատժամիջոցներին, որոնք ուղղված են Սինցզյան շրջանում ույղուր մահմեդականների իրավունքների խախտման համար պատասխանատու պաշտոնյաների դեմ:
Բացի այդ, պատժամիջոցների տակ է հայտնվել Կանադայի Համայնքների պալատի միջազգային զարգացման և արտաքին հարցերով մշտական հանձնաժողովի մարդու իրավունքների հարցով ենթահանձնաժողովը:
Նշվում է, որ պատժամիջոցների ենթարկվող անձինք չեն կարող մուտք գործել Չինաստանի տարածք, այդ թվում՝ Հոնկոգն և Մակաո: Չինասկան կազմակերպություններին և քաղաքացիներին արգելվում է առևտրային գործունեություն ծավալել նրանց հետ:
