Մարտի են գնում միայն փողատերերը. «Փաստ»

«Փաստ» օրաթերթը գրում է.

Արագածոտնի մարզից «Փաստի» աղբյուրները հայտնում են, որ օրերս նախկին մարզպետ, ներկայում մարզի ՀՀԿ կառույցը ղեկավարող Սարգիս Սահակյանը հավաքել է մարզի հանրապետականներին և տարօրինակ, սակայն Հայաստանի համար միգուցե օրինաչափ հայտարարություն է արել: Նա նշել է, որ շուտով ՀՀԿ–ին է ներկայացնելու մարզում ռեյտինգային ընտրակարգով ԱԺ ընտրությունների թեկնածուների ցանկը, և պարտադիր է, որ այդ ցանկում ընդգրկված լինեն միայն փողատերերը, մարդիկ, ովքեր լավ փող «կթափեն» և ցանկալի արդյունք կապահովեն ՀՀԿ–ի համար: 
Սահակյանն ասել է, որ արդեն այդպիսի ութ հոգանոց ցուցակ ունի:
Փաստորեն` հեղինակություն վայելելն ու հանրության շրջանում անբասիր անունը այդքան էլ լավ վաճառվող «ապրանք» չեն մեր օրերում և բազմաթիվ արժանավորներ դուրս են մնում երկրի կառավարումից բացառապես փող չունենալու պատճառով:

Շարունակությունը` «Փաստ» օրաթերթի այսօրվա համարում: