Անվճար բժշկական օգնության համակարգում պացիենտները հաճախ իրենց զգում են ինչպես թենիսի մրցաշարում. ՄԻՊ

«Անվճար բժշկական օգնության համակարգում պացիենտները հաճախ իրենց զգում են ինչպես թենիսի մրցաշարում։ Նրանց մի հաստատությունից մյուսն են ուղարկում՝ առանց արդյունքի»,- ասել է Մարդու իրավունքների պաշտպան Արման Թաթոյանը՝ Հայկական բարեգործական ընդհանուր միության հրապարակած ամսագրին տված հարցազրույցում։
Այս անգամ Հայաստանի առողջապահական համակարգին նվիրված ամսագրում Մարդու իրավունքների պաշտպանը խոսել է Հայաստանի առողջապահական ոլորտի մարդու իրավունքներին առնչվող խնդիրների մասին՝ սկսած անվճար տրամադրվող դեղերի անարդյունավետությունից, բյուրոկրատական քաշքշուկներից վերջացրած իրազեկման պակասով։
Հ.Գ. Ամսագիրը 70․000-ից ավելի տպագիր տարբերակով տարածվում է աշխարհի ավելի քան 30 երկրով, իսկ էլեկտրոնային տարբերակով հասնում է մինչև 100.000 մարդու: