Մենք երբեք դեմ չենք հայ-թուրքական հարաբերություններին, բայց խնդիրն այն է, թե ինչի՞ հաշվին է դա լինելու. Իշխան Սաղաթելյան

Ես գտնում եմ, որ Փաշինյանը արժանի չէ գնալ Ծիծեռնակաբերդ, բայց մենք ճանապարհները չենք փակելու զուտ նրա համար, որ վաղը մեզ համար շատ խորհրդանշական օր է: Այս մասին լրագրողների հետ զրույցում ասաց ՀՅԴ անդամ Իշխան Սաղաթելյանը:

«Մենք երբեք դեմ չենք հայ-թուրքական հարաբերություններին, բայց խնդիրը հետևյալի մեջ է, ինչի՞ հաշվին է դա լինելու. եթե այդ հարաբերությունները տեղի են ունենալու Ցեղասպանության ուրացման հաշվին, մենք դեմ ենք այդ հարաբերություններին և ամեն ինչ անելու ենք, որ նման հարաբերություններ չլինեն»,- ասաց Սաղաթելյանը:

Նա հավելեց՝ օրվա իշխանությունները պատրաստ են ամեն ինչ ուրանալ. «Նրանք ծնկի են եկել թուրքերի առջև»: