Արտակարգ ԴԵՊՔ ԿԻԵՎՅԱՆ ԿԱՄՐՋԻ ՄՈՏ

Արտակարգ իրավիճակների նախարարությունում այսօր՝ ժամը 05.50-ին, ահազանգ է ստացվել, որ Կիեւյան կամրջի վրա քաղաքացին անցել է արգելապատնեշը եւ փորձում է ինքնասպան լինել՝ նետվելով կամրջից:

Դեպքի վայր է մեկնել մեկ մարտական հաշվարկ եւ ճգնաժամային կառավարման ազգային կենտրոնի օպերատիվ խումբը:

Փրկարարները ոստիկանության աշխատակիցների հետ համատեղ կանխել են 1972 թվականին ծնված Ժ. Գ.-ի ինքնասպանության փորձը, ում տեղափոխել են «Նորք» հոգեբուժական կենտրոն:

Դեպքի վայրում հոգեբանական խորհրդատվության գծով հրահանգիչը ցուցաբերել է անհրաժեշտ հոգեբանական աջակցություն: