Խոսրով Հարությունյանն ազատ արձակվեց

ՀՀ նախկին վարչապետ Խոսրով Հարությունյանը Ոստիկանության բաժնից ազատ արձակվեց։ Այս մասին հայտնում է NEWS.am-ը` վկայակոչելով Հարությունյանի փաստաբան Դավիթ Ավագյանին։

«Խոսրով Հարությունյանն այսօր Ազատության հրապարակում ներկա է գտնվել հավաքի։ Այդ հավաքի ընթացքում մեկ անձ սադրել է, իրեն անպարկեշտ է պահել, հայհոյանքներ էր հնչեցրել։ Խոսրով Հարությունյանն էլ փորձել է հանդարտեցնել, նա հրել է Հարությունյանին։ Միջադեպը հանդարտեցրել են ոստիկանները եւ բերման ենթարկել»,- պատմել է փաստաբանը։

Նա նշել է, որ այս պահին ոստիկանության բաժնում Հարությունյանի հետ են զրուցում ՀՀ ՄԻՊ-ի աշխատակիցները։