Գործընթացը տեղի է ունենում Հայաստանի տարածքում, բայց ՀՀ-ն դրանում դիտորդի, համաձայնողի կարգավիճակ ունի. Աբրահամյան

Ծանր է պայմանավորված և՛ սահմանային իրավիճակով և՛ բանակցային գործընթացում մեր դիրքավորմամբ, առհասարակ, այս գործընթացում մեր դերակատարման էական նվազմամբ: Այս մասին լրագրողների հետ զրույցում ասաց «Հենակետ» կենտրոնի ղեկավար Տիգրան Աբրահամյանը:

«Գործընթացը տեղի է ունենում Հայաստանի տարածքում, բայց գործընթացում Հայաստանն ունի դիտորդի, համաձայնողի կարգավիճակ: ՀՀ-ի թույլտվության պայմաններում այստեղ են բախվում մեծ թվով երկրների շահերը: Ցավալիորեն, այս իրավիճակում առաջին տուժող կողմը մնում է Հայաստանը»,- նշեց փորձագետը:

Նրա խոսքով՝ բանակցային գործընթացում առաջընթաց արձանգրելու համար պետք է լինեն ունակ առաջնորդներ: