ՌԴ-ն կարող է օգնել 6 հայ զինվորականների հետ կապված իրավիճակի կարգավորմանը. Կոսաչով
ՔԱՂԱՔԱԿԱՆՈՒԹՅՈՒՆ
Ռուսաստանը կարող է աջակցել Ադրբեջանի կողմից վեց հայ զինծառայողների գերեվարման հետ կապված իրավիճակում։ Այսօր ՌԻԱ Նովոստիի հետ զրույցում ասել է Դաշնության խորհրդի փոխխոսնակ Կոնստանտին Կոսաչովը։
«Եթե Ռուսաստանի կողմից հակամարտության լուծման համար լրացուցիչ ջանքեր պահանջվեն, իհարկե, ՌԴ-ն պետք է նման աջակցություն ցուցաբերի»,- ասել է նա:
Նա նաև նշել է, որ «Ադրբեջանի ու Հայաստանի հարաբերություններում ցանկացած էսկալացիա խիստ անցանկալի է ու վտանգավոր»:
«ՌԴ-ն ի սկզբանե կոչ է արել կողմերին զերծ մնալ նման էսկալացիայից և այժմ պետք է առավելագույն ակտիվություն ցուցաբերի, որ նպաստի ներկայիս հակամարտության լարվածության նվազեցմանը», - ավելացրել է Կոսաչովը:
Մայիսի 27-ին Գեղարքունիքի մարզում ինժեներական աշխատանքների ժամանակ գերեվարվել է 6 հայ զինվորական։ Վարչապետի պաշտոնակատար Նիկոլ Փաշինյանը կատարվածն առևանգում է անվանել, քանի որ զինվորականները գտնվել են իրենց տարածքում:
Ավելի ուշ ՀՀ ՊՆ-ն քարտեզ է տեղադրել որպես ապացույց, որ ադրբեջանական գերության մեջ հայտնված հայ զինվորականները ՀՀ տարածքում են եղել:
