Հայաստանի հավաքականի մեկնարկային կազմը Խորվաթիայի դեմ խաղում

Ֆուտբոլի Հայաստանի ազգային հավաքականի իսպանացի գլխավոր մարզիչ Խոակին Կապառոսը հրապարակել է մեկնարկային կազմը, որը խաղադաշտ դուրս կգա Խորվաթիայի հավաքականի հետ ընկերական խաղում։

Հայաստան․ Դավիթ Յուրչենկո, Անդրե Կալիսիր, Տարոն Ոսկանյան, Դավիթ Տերտերյան, Կամո Հովհաննիսյան, Էդուարդ Սպերցյան, Արտակ Գրիգորյան, Խորեն Բայրամյան, Էդգար Բաբայան, Սարգիս Ադամյան, Տիգրան Բարսեղյան։

Խորվաթիա - Հայաստան ընկերական հանդիպումը Վելիկա Գորիցա քաղաքում կմեկնարկի Երեւանի ժամանակով 20։00-ին։ 

Հանդիպումը կսպասարկեն բոսնիացի մրցավարներ՝ Լուկա Բիլբիյայի գլխավորությամբ։

4 օր անց Խոակին Կապառոսի գլխավորած թիմը Ստոկհոլմի «Ֆրենդս Արենա» ստադիոնում ընկերական հանդիպում կանցկացնի նաև Շվեդիայի հավաքականի հետ: