Հայաստանի իշխանությունները ուսուցիչներին են օգտագործում քարոզչության համար
ՔԱՂԱՔԱԿԱՆՈՒԹՅՈՒՆrossaprimavera.ru-ն գրում է, որ «Հայաստան» դաշինքի շտաբի խոսնակ Արամ Վարդևանյանը հայտարարել է, որ Հայաստանի ներկայիս իշխանությունները օգտագործում են վարչական ռեսուրսը և ուսուցիչներին և դպրոցների տնօրեններին ստիպում են քարոզչություն իրականացնել վարչապետի պաշտոնակատար Նիկոլ Փաշինյանի համար:
«Կրկնակի դատապարտելի է, որ Ազգային անվտանգության ծառայության աշխատակիցներն են ներգրավված այս գործընթացում: Փոխանակ սահմանում ամոթալի իրավիճակը կարգավորելու, անվտանգության սպառնալիքները կանխելու, ուժային ամենակարևոր կառույցին հանձնարարվել է լուծել ապօրինի խնդիրներ», - նշել է Վարդևանյանը: Ընդդիմադիր քաղաքական գործիչը ամոթալի է անվանել նման գործողությունները և զգուշացրել է իշխանություններին, որ այդ ամենը անպատիժ չի մնա: «Դուք պատասխանատու կլինես ուսուցիչների և դպրոցների տնօրենների վրա ճնշման յուրաքանչյուր դեպքի համար», - ավելացրել է Վարդևանյանը:
Նա նաև կոչ է արել միջազգային դիտորդների առաքելություններին և օմբուդսմենին ուշադրություն դարձնել նման դեպքերի վրա:
Նյութը հրապարակման պատրաստեց Կամո Խաչիկյանը