Ռուսաստանի ԿԸՀ ներկայացուցիչը կհետևի Հայաստանում կայանալիք ընտրություններին
ՔԱՂԱՔԱԿԱՆՈՒԹՅՈՒՆՌուսաստանի կենտրոնական ընտրական հանձնաժողովի ներկայացուցիչ Պավել Անդրեևը ԱՊՀ դիտորդական առաքելության կազմում կհետևի Հայաստանում ԱԺ արտահերթ ընտրությունների ընթացքին: Տեղեկությունը հրապարակվել է Ռուսաստանի Կենտրոնական ընտրական հանձնաժողովի պաշտոնական կայքը։
«Այցի շրջանակում ՌԴ ԿԸՀ անդամը կհանդիպի ՀՀ ԿԸՀ նախագահ Տիգրան Մուկուչյանի, ՀՀ-ում Ռուսաստանի Դաշնության արտակարգ և լիազոր դեսպան Սերգեյ Կոպիրկինի հետ: 2021 թվականի հունիսի 20–ին՝ արտահերթ ընտրությունների օրը, Պավել Անդրեևը կայցելի Երևանի տեղամասային կենտրոններ, որտեղ կհետևի քվեարկության ընթացքին», - ասված է հաղորդագրության մեջ:
Ընտրությունների ավարտից հետո Անդրեևը կմասնակցի ԱՊՀ դիտորդական առաքելության համակարգողների խորհրդի նիստին և քվեարկության արդյունքների ամփոփման ընթացքին:
Հայաստանում արտահերթ ընտրությունները տեղի կունենան հունիսի 20-ին։ Ընտրություններին մասնակցում է 25 քաղաքական ուժ՝ 21 կուսակցություն և 4 դաշինք։