Նա ցանկություն չուներ ՀՀ անվտանգության հարցեր լուծելու. ԱԽ քարտուղարը` Արա Այվազյանի մասին

ԱԽ քարտուղար Արմեն Գրիգորյանը, «Ազատության» եթերում, անդրադառնալով գերիների հարցին, հայտարարել է, որ եղել են պաշտոնյաներ, որոնք փորձել են անվտանգության հարցերը տորպեդահարել և խնդիրներ ստեղծել։

«Մայիսի 27-ից առաջ գերիների հարցը երկար ժամանակ չէր լուծվում: Երբ Արա Այվազյանը հրաժարական տվեց, գերիների հարցն արագ լուծվեց: Լինելով պաշտոնյա՝ նա մեր գործընկերներին ասում էր, որ ականապատ դաշտերի քարտեզները, որոնք մենք արդեն տվել ենք, չունենք: Երբ հրաժարական տվեց, նաև հնարավորություն ստեղծվեց հարցն արագ լուծելու», - ասել է Արմեն Գրիգորյանը:

Հարցին՝ ԱԳ նախկին նախարարը ստո՞ւմ էր՝ ԱԽ քարտուղար պատասխանեց, որ ոչ միայն ստում էր, այլև տորպեդահարում․ «Նա ցանկություն չուներ ՀՀ անվտանգության հարցեր լուծելու, ավելի շատ քաղաքական թիմի համար խնդիրներ ստեղծելու ցանկություն ուներ: Պաշտոնը լքեց, կարելի է ասել, ռազմի դաշտում գտնվելու ժամանակ»։