Բացառիկ դեպք՝ Մոսկվա-Երևան չվերթի ինքնաթիռում. մարդ է մահացել (տեսանյութ)

Երեկ, 60-ամյա ուղևորի ինքնազգացողության վատանալու պատճառով Մոսկվա-Երևան չվերթի ինքնաթիռը հարկադրաբար վայրէջք էր կատարել Մինվոդի քաղաքում:

Այս մասին տեղեկացրել է քաղաքագետ Արմեն Գրիգորյանը՝ Facebook-յան էջում.

«Գիշերը Մոսկվա-Երևան չվերթի ինքնաթիռը հարկադրված վայրէջք է կատարել Մինվոդի քաղաքում, որովհետև ուղևորներից մեկը վատացել էր։ Ցավոք սրտի վայրեջքից հետո բժիշկները չեն կարողացել 60-ին մոտ տղամարդու կյանքը փրկել։

Վայրէջքից հետո հարազատները ուզում էին, որ նույն չվերթում թողեն դիակը, որովհետև ֆինանսական խնդիրներ ունեին հետագայում նրան Հայաստան բերելու համար, բայց օրենքը նման բան թույլ չէր տալիս։

Երբ ուղևորներն իմանում են խնդրի մասին, որոշում են գումար հավաքել ընտանիքին օգնելու համար։ Վիդեոյում հենց այդ գործընթացն է։ Չգիտեմ ինչքան գումար է հավաքվում, բայց ինչքան հասկացա այդ ծախսերը փակելու կամ լրիվ թեթևացնելու համար բավարար գումար է հավաքվել։