Թբիլիսիի քաղաքապետը հանդիպել է Ալիևի հետ

Թբիլիսիի քաղաքապետ Կախա Կալաձեն հանդիպել է Ադրբեջանի նախագահ Իլհամ Ալիևի հետ: Կողմերը քննարկել են վրաց-ադրբեջանական հարաբերությունները և ռազմավարական համագործակցությունը: Այս մասին հայտնում է Թբիլիսիի քաղաքապետարանի մամուլի ծառայությունը, գրում է Грузия Онлайн կայքը:

Մամուլի ծառայության փոխանցմամբ՝ ընդգծվել է Թբիլիսիի և Բաքվի քույր քաղաքներ դառնալու նշանակությունը, հուշագիրը ստորագրվել է երեկ:

Հանդիպմանն Ալիևը խոսել է Բաքվի և Թբիլիսիի  քույր քաղաքներ դառնալու նշանակության մասին և նշել է Կախա Կալաձեի անձնական ներդրումը վրաց-ադրբեջանական հարաբերությունների ամրապնդման գործում: