ՌԴ-ում ռադարների տեսադաշտից անհետացել է Ան-28 օդանավը. դրանում կա 17 ուղևոր, այդ թվում` 4 երեխա
ՄԻՋԱԶԳԱՅԻՆ
Ռուսաստանի Տոմսկի մարզի Բակչարսկի շրջանում ռադարների տեսադաշտից Ան-28 ուղևորատար ինքնաթիռ է անհետացել: Ինչպես հաղորդում է «ՌԻԱ Նովոստի»-ն` հղում անելով արտակարգ ծառայություններին, ինքնաթիռում 17 մարդ կա:
Ինքնաթիռը պատկանում է «Սիբիրյան թեթև ավիացիա» ավիաընկերությանը: Որոնողական աշխատանքներ են իրականացվում օդանավի երթուղու ուղղությամբ:
Արտակարգ ծառայությունների տվյալներով` ինքնաթիռում գործարկվել է վթարային ռադիոփարոս: Ըստ նախնական տվյալների` ուղևորների թվում 4 երեխա կա:
