Էրդողանը ժամանել է Հյուսիսային Կիպրոսի ինքնահռչակ թուրքական հանրապետություն

Թուրքիայի նախագահ Ռեջեփ Թայիփ Էրդողանը երկօրյա պաշտոնական այցով ժամանել է Հյուսիսային Կիպրոսի ինքնահռչակ թուրքական պետություն: Այս մասին հայտնում Kıbrıs Haber-ը:

Պատմական իրադարձության այս օրը՝ հուլիսի 20-ին Էրդողանը ելույթով է հանդես գալու խորհրդարանի հատուկ նիստին, որտեղ խոստացել է «լավ լուր» հրապարակել: Նա նաև ներկա է լինելու ռազմական զորահանդեսին:

Էրդողանի հետ Հյուսիսային Կիպրոս են այցելել նաև Թուրքիայի մեջլիսի խոսնակ Մուստաֆա Շենթոփը, «Ազգայնական շարժում» կուսակցության ղեկավար Դևլեթ Բահչելին, Խորհրդարանական պատվիրակության այլ անդամներ: