Հայաստանը՝ հզոր ցիկլոնի ազդեցության տակ, սպասվում է ինտենսիվ ձյուն ու բուք. ԱԻՆ-ը զգուշացնում է

Դեկտեմբերի 14-ին Հայաստանը գտնվելու է հզոր ցիկլոնի ազդեցության գոտում: Հայաստանի ԱԻՆ-ից 1or.am-ին հայտնում են, որ բոլոր մարզերում սպասվում են տեղումներ` հիմնականում ձյան տեսքով, միայն Արարատում, Արմավիրում, Վայոց ձորի նախալեռներում եւ Երեւանի ցածրադիր գոտում առավոտյան տեղումները դեռ կլինեն թաց ձյան եւ ձնախառն անձրեւի տեսքով, կեսօրից հետո վերածվելով ձյան:

Շիրակում, Արագածոտնում, Լոռիում, Տավուշում, Գեղարքունիքում, Կոտայքում եւ Վայոց ձորում սպասվող ձյունը լինելու է բավականին ինտենսիվ, ուղեկցվելու է բքով եւ ցածր հորիզոնական տեսանելիությամբ, ճանապարհներին՝ մերկասառույցով:

Ելնելով վերը նշված պայմաններից` վարորդներին հորդորում ենք նշված մարզեր երթեւեկել խիստ անհրաժեշտության դեպքում: