Թուրքիայում տուրիստական ավտոբուսի վթարի հետևանքով զոհերի թիվն ավելացել է

Ինչպես արդեն հայտնել ենք, Թուրքիայի հարավում՝ Անթալիայի մոտ, տուրիստական ավտոբուս է վթարի ենթարկվել: ՏԱՍՍ գործակալության հաղորդմամբ` զոհերի թիվը հասել է 4-ի:

Նշվում է, որ 22 ռուսաստանցիների օդանավակայան տեղափոխող ավտոբուսի վարորդը կորցրել է կառավարումը և վթարի ենթարկվել: Անթալիայում ՌԴ-ի գլխավոր հյուպատոսությունը հայտնում է, որ 4 ռուս զոհվել է, իսկ 5-ը ստացել է վնասվածք: Բոլոր տուժածները տեղափոխվել են տեղական բուժհաստատություններ: Վնասվածք ստացած ռուս զբոսաշրջիկներից երկուսը գտնվում են վերակենդանացման բաժանմունքում: