Հայտնի է, թե որքան գումար է փոխանցել Լեոնարդո Դի Կապրիոն «Հայաստանի մանուկներ» հիմնադրամին

Արդեն տեղեկացրել ենք այն մասին, որ օրեր առաջ օսկարակիր դերասան Լեոնարդո ԴիԿապրիոն Նյու Յորքում նվիրատվություն է կատարել հայ գիտնական, բարերար Կարո Արմենի հիմնած «Հայաստանի մանուկներ»  հիմնադրամի (COAF) տարեկան դրամահավաք-երեկույթի ժամանակ:

Ըստ Arelevk.am-ի՝ դերասանի նվիրատվությունը՝ Հայաստանի գյուղական համայքներում ապրող մանուկներին, կազմել է 65 հազար ԱՄՆ դոլար: Դերասանն այդքան գումարով գնել է նկարիչ Ջո Բրադլիի՝ հավաքույթի ժամանակ աճուրդի դրված նկարներից մեկը, որի գումարն ամբողջությամբ ուղղվել է հիմնադրամին: 

Հիշեցնենք, որ նախնական տվյալներով՝ երեկոյի ընթացքում շուրջ 3մլն ԱՄՆ դոլար է նվիրաբերվել Հայաստանի գյուղերին։