Ովքեր կնախագահեն ԱԺ մշտական հանձնաժողովները

ԱԺ «Քաղաքացիական պայմանագիր» խմբակցությունն արտաքին հարաբերությունների մշտական հանձնաժողովի նախագահի պաշտոնում առաջադրել է Էդուարդ Աղաջանյանի թեկնածությունը։

ԱԺ ֆինանսավարկան և բյուջետային հարցերի մշտական հանձնաժողովի նախագահի պաշտոնում «Քաղաղաքացիական պայմանագիր» խմբակցությունն առաջադրել է Գևորգ Պապոյանի թեկնածությունը։

Տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի նախագահի թեկնածուն Վահե Ղալումյանն է։

Խմբակցությունը գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի պաշտոնում առաջադրել է Սիսակ Գաբրիելյանի թեկնածությունը։

Եվրոպական ինտեգրման հարցերով մշտական հանձնաժողովի նախագահի պաշտոնում, Հայկ Կոնջորյանի խոսքով, առաջադրվում է Արման Եղոյանի թեկնածությունը։

Աշխատանքի և սոցիալական հարցերի մշտական հանձնաժողովի նախագահի թեկնածու է առաջադրվել Հերիքնազ Տիգրանյանը։

Առողջապահության հարցերի մշտական հանձնաժողովի նախագահի պաշտոնում խմբակցությունն առաջադրել է Նարեկ Զեյնալյանի թեկնածությունը։

«Հայաստան» խմբակցության ղեկավար Սեյրան Օհանյանը ներկայացրեց հանձնաժողովի նախագահների իրենց թեկնածուներին։ Նրա խոսքով՝ Տարածաշրջանային և եվրասիական ինտեգրման հարցերի մշտական հանձնաժողովի նախագահի պաշտոնում առաջադրվել է Արմեն Գևորգյանի թեկնածությունը։

Մարդու իրավունքների պաշտպանության և հանրային հարցերի մշտական հանձնաժողովի նախագահի պաշտոնում առաջադրվել է «Պատիվ ունեմ» դաշինքի պատգամավոր Թագուհի Թովմասյանը։