Լավրովը ռուս ավտոփոխադրողներին կոչ է արել ուշադրություն դարձնել Ղարաբաղի տարանցիկ ներուժին

ՌԴ ԱԳ նախարար Սերգեյ Լավրովը ռուս ավտոփոխադրողներին կոչ է արել ուշադրություն դարձնել Լեռնային Ղարաբաղի տարանցիկ ներուժին, փոխանցում է ՏԱՍՍ-ը:

«Այժմ այնտեղ ակտիվ աշխատանքներ են տարվում ենթակառուցվածքների, ճանապարհների վերականգնման ուղղությամբ, այնպես որ խնդրում եմ ավելի ուշադիր նայեք այս խոստումնալից տարածքին, այն, իմ կարծիքով, ակնհայտորեն տնտեսական օգուտներ կունենա»,- ասել է նա Ավտոփոխադրողների միջազգային ասոցիացիայի հետ հանդիպման ժամանակ: «Կարեւոր է, որպեսզի մեր անմիջական հարեւանության այս հատվածի տնտեսական զարգացումն ընթանա Ռուսաստանի ակտիվ մասնակցությամբ»,- ընդգծեց նախարարը: