Պետք է կարողանանք արտադրել սեփական զենք․ Արշակ Կարապետյան

Գործնական քայլեր ենք անելու մեր համագործակցությունը Ռուսաստանի հետ զարգացնելու ուղղությամբ։ Այս մասին լրագրողների հետ զրույցում ասել է ՀՀ պաշտպանության նախարար Արշակ Կարապետյանը։

«Մենք պլանավորում ենք ունենալ որակով սպառազինություն, պլանավորում ենք ունենալ նոր սպառազինություն։ Մենք հրաժարվել ենք հին սպառազինություններ ձեռք բերելուց, դա մեր քաղաքականությունն է։ Ավելի լավ է, որ մենք ունենանք քիչ, բայց որակով եւ հստակ իմանանք, որ այս սպառազինությունը գործելու է»,- ասել է նախարարը։

Ըստ Կարապետյանի՝ Հայաստանը պետք է փորձի ունենալ սեփական զենքի արտադրություն. «Մենք՝ որպես ազգ, պետք է կարողանանք արտադրել սեփական զենք»։