Ռոնալդուն շտապ լքել է «Յուվենտուսի» մարզումը

Պորտուգալացի Թուրինի «Յուվենտուսի» հարձակվող Կրիշտիանու Ռոնալդուն շտապ լքել է մարզումները: Այս մասին հայտնում է իտալացի լրագրող Ռոմեո Ագրեստին:

Պորտուգալացին, ընդհանուր խմբում մարզումների ժամանակ, բողոքել է առողջական խնդիրներից և ակումբի բժիշկների ուղեկցությամբ՝ հեռացել մարզումների դաշտից:

Նոր մրցաշրջանում Կրիշտիանու Ռոնալդուն մեկ ոչ լիարժեք հանդիպում անցկացրեց «Յուվենտուսի» հետ: Իտալական A Սերիայի 1-ին տուրի խաղում «Ուդինեզեի» դեմ (2: 2) նա մեկնարկեց պահեստայինների կազմում և խաղադաշտ մտավ երկրորդ խաղակեսի միջնամասում: 36-ամյա հարձակվողը արդյունավետ գործողություններ չցուցադրեց: Հանդիպման վերջում նա դեղին քարտ ստացավ ոչ մարզական պահվածքի համար։ Նրա գոլը չեղարկվեց: