Ղազինյանը կրկին չընտրվեց պաշտպանության և անվտանգության հարցերի հանձնաժողովի փոխնախագահ

«Հայաստան» դաշինքի պատգամավոր Արթուր Ղազինյանը կրկին չընտրվեց պաշտպանության և անվտանգության հարցերի հանձնաժողովի նախագալի տեղակալի պաշտոնում։ Նշենք, որ «Հայաստան» դաշինքի կողմից էր առաջադրվել Ղազինյանի թեկնածությունը։

Իշխանական պատգամավորները դեմ քվեարկեցին Ղազինյանի թեկնածությանը, և միայն «Պատիվ ունեմ» ու «Հայաստան» խմբակցության պատգամավորներն էին կողմ նրա թեկնածությանը։ Սակայն, քանի որ ընդիմադիրները մեծամասնություն չեն կազմում Աժ–ում, նրանց ձայները բավարար չեղան։

Հիշեցնենք, որ օգոստոսի 31-ին իշխանական պատգամավորները նորից դեմ էին քվեարկել Ղազինյանի թեկնածությանն այդ նույն պաշտոնում։