ԱՄՆ-ն պետք է ընդունի, որ С-400-ի ձեռքբերումը ՌԴ-ից ավարտված գործ է․ Չավուշօղլու

Միացյալ Նահանգները պետք է ընդունի այն փաստը, որ Թուրքիայի կողմից ռուսական С-400 զենիթահրթիռային համալիրնեի ձեռքբերումն ավարտուն գործընթաց է: Ինչպես հաղորդում է ՏԱՍՍ գործակալությունը՝ նման հայտարարություն է արել Թուրքիայի ԱԳ նախարար Մևլյութ Չավուշօղլուն:

«ԱՄՆ-ն պետք է ընդունի, որ С-400-ների ձեռքբերումն ավարտված գործընթաց է»,- ընդգծել է նախարարը՝ պատասխանելով ռուսական համալիրների պատճառով Անկարայի և Վաշինգտոնի հարաբերությունների մասին լրագրողի հարցին: