Սահմանների ճշգրտումը դժվար թե շահավետ լինի մեզ համար
ՔԱՂԱՔԱԿԱՆՈՒԹՅՈՒՆՀՀ բարձրաստիճան պաշտոնյաները՝ ՊՆ նախարարն ու Արտգործնախարարը վերջերս Ռուսաստանի Դաշնությունում էին։ Այս թեմայով զրուցել ենք քաղաքագետ Անդրեաս Ղուկասյանի հետ։
Հարցին, թե ինչով է պայմանավորված նրանց այցը քաղաքագետը ասել է, որ Արցախի շուրջ ինչ-որ նոր զարգացումներով են պայմանավորված և պետք է սպասել նոր զարգացումների: Անդրադառնալով հարցին, թե ի՞նչ բնույթի զարգացումների մասին է խոսքը քաղաքագետն ասել է․ «Դժվարանում եմ ասել, թե դրանք կարող են շահավետ լինել Հայաստանի համար, որովհետև այսօր մեր շահերի հաշվին սպասարկվում են կոնկրետ պետությունների՝ Թուրքիայի ու Ադրբեջանի շահերը: Ենթադրում եմ, որ այդ զարգացումը կապված է սահմանների դեմարկացիայի ու դելիմիտացիայի հետ, որովհետև իշխանության ներկայացուցիչները հաճախ են այդ մասին վերջերս խոսում: Իսկ այս պայմաններում սահմանների ճշգրտումը դժվար թե շահավետ լինի մեզ համար: Դրանով է պայմանավորված, որ Հայաստանի Հանրապետության համապատասխան գերատեսչությունների ներկայացուցիչները մեկնում են Մոսկվա, այնտեղից ստանան հրահանգներն ու այստեղ իրականացնեն դրանք»։
Սոնա Գիշյան