Հայաստանում պատվաստանյութերի դեֆիցիտ է
ՔԱՂԱՔԱԿԱՆՈՒԹՅՈՒՆԻշխանությունները փորձում են տարբեր մեթոդներով պատվաստումը խթանել երկրում։ Նրանք դա անում են քարոզների, տուգանքների միջոցով, սակայն պատվաստվածների վիճակագրությունը ցույց է տալիս, որ անգամ այդ մեթոդներով իշխանություններին չի հաջողվում հասնել հաջողության, քանի որ նրանք դա անում են փնթի ձևով։ Պարզվում է, որ պոլիկլինիկաներում աստրազենեկայի և սպուտնիկի սուր դեֆիցիտ կա, և մարդիկ, գնալով պոլիկլինիկաներ, չեն կարողանում պատվաստվել։
Ստացվում է, որ իշխանությունների կողմից արվող քարոզը նման է փուչիկի, քանի որ նրանք չեն կարողանում ապահովել պատվաստանյութի խմբաքանակը։
1or.am կայքի տեղեկություններով՝ գրեթե բոլոր պոլիկլինիկաներում աստրազենեկայի և սպուտնիկի սուր դեֆիցիտ է, և մի շարք պոլիկլինիկաներում բացարձակ բացակայում է պատվաստանյութերը։ Բացառիկ տաղանդ է պետք ամբողջ պետական համակարգը պատվաստման քարոզչության մեջ դնելու, սակայն պատվաստանյութի անհրաժեշտ խմբաքանակը չունենալու համար։
Սոնա Գիշյան