Թուրքայի ԱԱԽ նիստում կքննարկվեն միջազգային և տարածաշրջանային անվտանգությանն առնչվող հարցեր

Թուրքիայի Ազգային անվտանգության խորհուրդը (ԱԱԽ) նախագահ Ռեջեփ Թայիփ Էրդողանի գլխավորությամբ այսօր նիստ կգումարի, հաղորդում է «Արմենպրես»-ը:

Նիստի ժամանակ քննարկվելու են Աֆղանստանում տիրող իրավիճակը, տարածաշրջանի կայունացման միջազգային ասպարեզում ձեռնարկվելիք քայլերը, վերանայվելու են Աֆղանստանից ծագող միգրացիոն ճնշման դեմ ձեռնարկված միջոցառումները:

ԱԱԽ օրակարգում կլինեն նաև զարգացումները Սիրիայում,  մասնավորապես՝ Իդլիբում տիրող իրավիճակը: