Հայաստան կժամանի Չեխիայի արտաքին գործերի նախարարը

Հոկտեմբերի 1-ին ՀՀ ԱԳՆ-ում կկայանա Հայաստանի և Չեխիայի ԱԳ նախարարների հանդիպումը, որին կհետևի համատեղ մամուլի համար հայտարարություն։ Այս մասին հայտնում են ՀՀ ԱԳՆ-ից՝ նշելով, որ Յակուբ Կուլհանեկն աշխատանքային այցով Հայաստանի Հանրապետություն կժամանի սեպտեմբերի 30-ին:

Այցի շրջանակներում Չեխիայի արտաքին գործերի նախարարին կընդունի ՀՀ վարչապետ Նիկոլ Փաշինյանը, ՀՀ նախագահ Արմեն Սարգսյանը, ՀՀ փոխվարչապետ Մհեր Գրիգորյանը։