Գազի գինը Եվրոպայում կրկին ռեկորդային ցուցանիշ է գրանցել

Գազի գինը Եվրոպայում պատմական ռեկորդային ցուցանիշ է գրանցել հոկտեմբերի 6-ին բացված աճուրդի ժամանակ՝ 1000 խորոնարդ մետրի համար գերազանցելով 1500 դոլարը: ՏԱՍՍ գործակալության փոխանցմամբ՝ այս մասին վկայում են լոնդոնյան ICE բորսայի տվյալները:

Հաղորդվում է, որ աճուրդի բացման պահից րոպեներ անց գինն արդեն գերազանցել է նաև 1600 դոլարը:

Միևնույն ժամանակ նիդերլանդական TTF բորսայում նոյեմբերյան ֆյուչերսները երևանյան ժամանակով 10:10-ի դրությամբ գնահատվել են 1559 դոլար՝ 1000 խորանարդ մետրի համար կամ 130 եվրո՝ ՄՎՏ/ժամի համար: Առավելագույն գինն այսօր առավոտյան գրանցվել է 1606 դոլար:

Գազի գինը Եվրոպայում աճում է անկախ լուրերից, որ սկսվել են «Հյուսիսային հոսք-2» գազատարի առաջին գծի փորձարկումները: